Հետազոտությունը նվիրված է ազգային ինքնության և պատմական հիշողության ձևավորման խորհրդանշական և մեկնաբանական մեխանիզմների վերլուծությանը: Կոլեկտիվն առաջարկում է պատմական հիշողությունը դիտարկել որպես կարևոր սոցիալական տեղեկատվության պահպանման, վերամշակման և փոխանցման հատուկ մեխանիզմ: Ենթադրվում է, որ ազգային ինքնության բաղադրատարրերն ու գործոնները կարող են գործառնել միայն ձեռք բերելով իմաստ ու խորհրդանշական նշանակալիություն և կազմելով միասնական դիսկուրս, որն ի զորու է բացատրել՝ ի՞նչ է տվյալ ազգը, ո՞րն է նրա առաքելությունը, ինչպիսի՞ն են նրա համադրող ու միաբերող իր պատկերացումները անցյալի, ներկայի և ապագայի մասին:
Նախագծի գիտական նորույթը պատմական հիշողության հասկացման և նկարագրության սկզբունքային նոր մոտեցումն է՝ դիտարկելով այն ոչ որպես փաստաթղթերի ու նարատիվների (պատումների, իմաստապատումների) արխիվ, այլ որպես դինամիկ տեղեկատվական-հաղորդակցական գործընթաց
Հետազոտության ծրագրում նախատեսվում է իրականացնել առաջնային նարատիվներում պատմական իրադարձությունների առկայացման /ակտուալիզացիա/ եղանակների ուսումնասիրություն: Կատարվելու է հայկական էպոսում, պատմագրության հուշարձաններում և քաղաքական խոսույթում «ազգ», «հերոս», մենք-նրանք, թշմամի, «ժամանակ», «պատմություն», «հավաստիություն» մետակոնցեպտների տեսական ու կիռարական վերլուծություն:
Գիտական խմբի անդամ Նորայր Դունամալյանը դասախոսության ընթացքում անդրադարձել է պատմական հիշողության հիմնախնդրին՝ ցույց տալով դրա առանցքային դերը պետականակերտման և մրցակցող ազգային պատումների ձևավորման գործում: Ցույց է տրվել, թե ինչպես են …
Լույս է տեսել «Հնդեվրոպական լեզվաբանություն և դասական բանասիրություն» (Indo-European Linguistics and Classical Philology, 30 (1), 2026) հեղինակավոր պարբերականի հոբելյանական համարը, որտեղ տեղ են գտել հայտնի հայագետների ու լեզվաբանների արժեքավոր ուսումնասիրությունները։ …
«Y-Conference: SPACES» երկրորդ ամենամյա գիտաժողովի շրջանակներում, որն անցկացվեց 2026 թվականի մայիսի 22-ից 24-ը Երևանում, Մ. Զոլյանի կողմից ներկայացվեց «Between National Pride and Soviet Nostalgia: Ararat-73 as a Space of Memory» …
