Հետազոտությունը նվիրված է ազգային ինքնության և պատմական հիշողության ձևավորման խորհրդանշական և մեկնաբանական մեխանիզմների վերլուծությանը: Կոլեկտիվն առաջարկում է պատմական հիշողությունը դիտարկել որպես կարևոր սոցիալական տեղեկատվության պահպանման, վերամշակման և փոխանցման հատուկ մեխանիզմ: Ենթադրվում է, որ ազգային ինքնության բաղադրատարրերն ու գործոնները կարող են գործառնել միայն ձեռք բերելով իմաստ ու խորհրդանշական նշանակալիություն և կազմելով միասնական դիսկուրս, որն ի զորու է բացատրել՝ ի՞նչ է տվյալ ազգը, ո՞րն է նրա առաքելությունը, ինչպիսի՞ն են նրա համադրող ու միաբերող իր պատկերացումները անցյալի, ներկայի և ապագայի մասին:
Նախագծի գիտական նորույթը պատմական հիշողության հասկացման և նկարագրության սկզբունքային նոր մոտեցումն է՝ դիտարկելով այն ոչ որպես փաստաթղթերի ու նարատիվների (պատումների, իմաստապատումների) արխիվ, այլ որպես դինամիկ տեղեկատվական-հաղորդակցական գործընթաց
Հետազոտության ծրագրում նախատեսվում է իրականացնել առաջնային նարատիվներում պատմական իրադարձությունների առկայացման /ակտուալիզացիա/ եղանակների ուսումնասիրություն: Կատարվելու է հայկական էպոսում, պատմագրության հուշարձաններում և քաղաքական խոսույթում «ազգ», «հերոս», մենք-նրանք, թշմամի, «ժամանակ», «պատմություն», «հավաստիություն» մետակոնցեպտների տեսական ու կիռարական վերլուծություն:
Գիտական խմբի անդամները մասնակցել են Հայաստանի Ամերիկյան համալսարանի՝ ԷԹԻԿԱ կենտրոնի կողմից կազմակերպված «Ազգային ինքնությունը ճգնաժամի ժամանակ» խորագրով գիտաժողովին, որը տեղի է ունեցել 2025 թ. հունիսի 29-30-ը։ Գիտաժողովի նպատակն էր ուսումնասիրել …
2025 թվականի հունիսի 12-13-ին Երևանում կայացած «Պետության հովանավորչությամբ պատմություններ և պատմագրական հեղինակություն» խորագրով առաջին միջազգային գիտաժողովին մասնակցեց գիտական խմբի անդամ Միքայել Զոլյանը։ Նա հանդես եկավ «Հիշողության երկիմաստությունը․ ինչպես են վերաբերվել …
Գիտական խմբի անդամ Գ. Պողոսյանը վերլուծում է, թե ինչպես են լեզուն, կրոնը, ծագումը և մշակութային ժառանգությունը ձևավորում հայերի ազգային ինքնությունը։ Նա ներկայացնում է վերջին հարցումների տվյալները, որոնք ցույց են տալիս, թե …
